Neymar mətbuat konfransında ağladı - Video

Neymar mətbuat konfransında ağladı - Video
Futbol, Video
11 Noyabr 2017 - 15:59
Braziliya millisinin üzvü  Neymar Yaponiya ilə keçirilən yoldaşlıq oyunundan əvvəl təşkil olunan mətbuat konfransında göz yaşlarını saxlaya bilməyib.

Supersport.Az-ın xəbərinə görə, Neymar mətbuat konfransına millinin baş məşqçisi Tite ilə birgə gəlib.

Jurnalistlərdən biri baş məşqçiyə Neymarın xarakteri ilə bağlı sual verib. Neymarın son vaxtlar PSJ-dəki qalmaqallarını xatırladan jurnalist  Titedən onunla necə yola getdiyini soruşub. Baş məşqçi isə Neymarla bağlı xoş sözlər deyib:

"Artıq il yarımdır ki, birgə işləyirik. Bu müddətdə Neymarla problemlər yaşamağım barədə deyilənlərdən bezmişəm. Biz ideal deyilik, insanıq.

Bəzən düzgün reaksiya vermirik. Mənim də karyeram ərzində belə hal olub. Amma vəziyyətdən çıxış yolu həmişə var və bunu nəzərə almalıyıq. Mən isə Neymarın xarakteri barədə danışa bilərəm. Onun böyük ürəyi var".

Bu sözlərindən sonra Neymar ağlayaraq baş məşqçisini qucaqlayıb və mətbuat konfransını tərk edib.

Digər xəbərlər