Sumqayıtda "Koreya səfiri kuboku" yarışı keçiriləcək

Azərbaycan Taekvondo Federasiyasının (ATF) və Koreya Respublikasının Azərbaycan Respublikasındakı səfirliyinin birgə təşkilatçılığı və dəstəyi ilə taekvondo üzrə gənclər arasında "Koreya səfiri kuboku" keçiriləcək.

Sayca üçüncü olan bu yarış 16-17 sentyabr 2017-ci il tarixlərində Sumqayıt Olimpiya İdman Kompleksində baş tutacaq. Turnirə respublikamızda fəaliyyət göstərən taekvondo bölmələrinin və klublarının, 2000-2003-cü il təvəllüdlü gənc idmançıları dəvətlidir.
Xatırladaq ki, adıçəkilən turnir 2015-ci ildən keçiyrilir. İlk yarış Qubada, növbəti yarış isə ötən il Qəbələdə təşkil olunub.