"Qarabağ" reytinq xalımızı zənginləşdirdi

"Qarabağ" reytinq xalımızı zənginləşdirdi
Futbol
19 İyul 2017 - 07:02


UEFA Çempionlar Liqasının 2-ci təsnifat mərhələsinin ötən gecə baş tutan cavab oyunları Azərbaycanın UEFA reytinqindəki mövqeyinə təsirsiz ötüşməyib.

Supersport.Az xəbər verir ki, ölkəmiz bu siyahıda bir pillə irəliləyə bilib. Ötən gün Azərbaycanın avrokuboklardakı təmsilçilərindən "Qarabağ" növbəti oyununu keçirdi. Belə ki, ÇL-in 2-ci təsnifat mərhələsi çərçivəsində Gürcüstan "Samtredia"sı ilə cavab matçına çıxan təmsilçimiz 1:0 hesabıyla qalib gəlib. Bu qələbə həm mövqeyimizin, həm də ölkəmizin xal ehtiyatının yaxşılaşmasına səbəb olub. Ağdam klubu Azərbaycanın reytinqinə daha 0.250 xal yazdırıb.

 

Hazırda UEFA reytinqində 55 ölkə arasında 21-ci pillədəyik. Azərbaycanın hesabında 16.625 reytinq xalı var. Onun 1.875 xalı (0.750 "İnter", 0.500 "Qarabağ", 0.500 "Zirə", 0.125 "Qəbələ"nin payına düşür) cari mövsümdə qazanılıb.

 

Onu da əlavə edək ki, klublarımızın təsnifat mərhələsindəki istənilən qələbəsi Azərbaycana 0.250 reytinq xalı qazandırır. Heç-heçə isə 0.125 xal verir. Qrup mərhələsində heç-heçə 0.250, qələbə 0.500 xalla qiymətləndirilir.




Digər xəbərlər