"Samtredia" - "Qarabağ" matçı 55 min nəfərlik stadionda
Futbol
19 İyun 2017 - 18:51
Ağdamın "Qarabağ" klubunun Çempionlar Liqasının 2-ci təsnifat mərhələsi çərçivəsində Gürcüstanın "Samtredia” komandası ilə keçirəcəyi cavab qarşılaşmasının stadionu müəyyənləşib.
Supersport.Az xəbər verir ki, sözügedən qarşılaşma paytaxt Tiflisdəki 55 min yerlik Boris Payçadze adına "Dinamo-Arena"da baş tutacaq. Hələlik oyunun tarixi dəqiqləşməyib.
2-ci təsnifat mərhələsinin ilk oyunu 11 - 12 iyulda Bakıdakı Tofiq Bəhramov adına Respublika stadionunda, cavab görüşü 18-19 iyulda baş tutacaq.