Bakı "İnter"inin rəhbəri dəyişdi

Bakının “İnter” klubunun Müşahidə Şurasının sədri müəyyənləşib.

Supersport.Az-ın klubun saytına istinadən yaydığı xəbərə görə, Azərbaycan Beynəlxalq Bankı ilə AFFA arasında  bağlanmış müqaviləyə uyğun olaraq idarəçiliyi assosiasiyaya verilmiş "İnter"ə Zaur Axundov rəhbərlik edəcək.

Azərbaycan Futzal Federasiyasının prezidenti olan Axundov "İnter"in Müşahidə Şurasına sədr təyin olunub. AFFA tərəfindən "İnter"ə səlahiyyətli nümayəndə təyin edilən Rəmiş Malıyev isə icraçı direktor vəzifəsini icra edəcək.

Qeyd edək ki, Z.Axundov həm də AFFA-nın İcraiyyə Komitəsinin üzvüdür.