"Qəbələ"də narazılıq: iki futbolçu ayrılır

Supersport.Az-ın əldə etdiyi məlumata görə, Azərbaycan Premyer Liqasında çempionluq fürsətini qaçıran "Qəbələ" klubunun iki futbolçusu komandadan getmək niyyətindədir.

Söhbət hücumçu Ruslan Qurbanov və müdafiəçi Məhəmməd Mirzəbəyovdan gedir.

Mirzəbəyovun baş məşqçi Roman Qriqorçukdan narazı olduğu bildirilir. Ukraynalı mütəxəssis 27 yaşlı müdafiəçini üç oyundur ki, kənarda qoyub.