“Bakı-2017”də həndbol yarışında rəqiblər bəlli oldu

Aprelin 6-da “Bakı-2017” IV İslam Həmrəyliyi Oyunlarında kişilər arasında həndbol yarışının püşkü atılıb.

Supersport.Az xəbər verir ki, püşk Əlcəzair, Səudiyyə Ərəbistanı, Pakistan, Azərbaycan, Türkiyə, Mərakeş, İraq və Əfqanıstan milli komandaları atılıb.

Püşkün nəticələrinə əsasən, Azərbaycan milli komandası “A” qrupunda Əlcəzair, Səudiyyə Ərəbistanı və Pakistan milliləri ilə mübarizə aparacaq.

Həndbol yarışlarının “B” qrupunda isə Türkiyə, Mərakeş, İraq və Əfqanıstan komandaları yarışacaqlar.