Azərbaycan cüdoçuları 5 qızıl medal qazanıb

Azərbaycan cüdoçuları 5 qızıl medal qazanıb
Digər, Cüdo
30 Yanvar 2017 - 16:35
İtaliyanın Liqnano şəhərində ənənəvi “Alpe Adrea” beynəlxalq cüdo turniri keçirilib.

Supersport.Az xəbər verir ki, bu barədə Cüdo Federasiyasından məlumat verilib.

Verilən xəbərə görə, 22-ci dəfə baş tutan festivalda Avropanın müxtəlif ölkələrindən 1046 gənc idmançı mübarizə aparıb.

Azərbaycan təmsilçiləri yarışda 5 qızıl, 4 gümüş və 4 bürünc medal qazanıblar. Hacı Musayev (55 kq), Kəramət Hüseynov (60 kq), İsmayıl İbrahimov (66 kq), Hasil Cəfərov (73 kq) və Aslan Mirzəyev (90 kq) yarışı qızıl medalla başa vurub.

Natiq Qurbanlı (60 kq), Naim Hüseynov (81 kq), Azər Yaqubov (90 kq), Ayxan Cəfərov (+100 kq) gümüş, Tofiq Məmmədov (60 kq), Murad Heydərli (60 kq), Vüsal Cəmilzadə (73 kq) və Samir Ağayev (81 kq) bürünc medala sahib olub.

Yekunda 13 medal əldə edən gənclərdən ibarət milli komandamız ümumi hesabda 1-ci yeri tutub

Digər xəbərlər