Sambo üzrə Bakı çempionatına yekun vurulub

Sambo üzrə Bakı çempionatına yekun vurulub
Digər, Sambo
28 Noyabr 2016 - 13:15
Bakı Şəhər Gənclər və İdman Baş İdarəsi (BŞGİBİ) tərəfindən Hövsan Olimpiya İdman Mərkəzində sambo üzrə Bakı çempionatı keçirilib.

Supersport.Az xəbər verir ki, çempionatda 9 çəki dərəcəsi üzrə 110 idmançı birincilik uğrunda mübarizə aparıb.

Gərgin idman mübarizəsi şəraitində keçən yarışda Vaqif Mirzəli (52 kq), Fuad Məmmədov (57 kq), Tural Allahverdiyev (62 kq), Tural Əhmədov (68 kq), Söhrab Bağırov (74 kq), Vahid Dəmirli (82 kq), Xaliq Niftəliyev (90 kq), Zaur Xutinayev (100 kq) və Etibar Teymurov (100 kq-dan yuxarı) fəxri kürsünün ən yüksək pilləsinə qalxıblar.

İlk üç yeri tutan idmançılar Baş İdarə tərəfindən müvafiq dərəcəli diplom və xatirə hədiyyələri ilə təltif olunublar.

Digər xəbərlər