MİLLİMİZ SEÇMƏ MƏRHƏLƏNİ 4-CÜ YERDƏ BİTİRDİ
Futbol
12 Oktyabr 2016 - 00:04
Bu gün 21 yaşadək futbolçulardan ibarət yığma komandalar arasında AÇ-2017-nin seçmə mərhələsi çərçivəsində 7-ci qrupun son turunun oyunları keçirilib.
Supersport.Az xəbər verir ki, Azərbaycan millisinin rəqibləri bir-biri ilə üz-üzə gəliblər. Qrup lideri Almaniya Avstriyaya səfərdə böyük hesabla qalib gəlib və yüz faizlik nəticəyə imza atıb.
Rusiya isə doğma meydanda Finlandiya üzərində qələbəni əldən verib. Halbuki, ruslar qalib gəlsəydi, millimizi turnir cədvəlində qabaqlaya bilərdi.
Amma bu heç-heçə Azərbaycanın seçmə mərhələni 4-cü pillədə başa vurmasına şərait yaradıb.
| N | Komanda | O | Q | H | M | T/F | X |
| 1 | Almaniya | 10 | 10 | 0 | 0 | 35-8 | 30 |
| 2 | Avstriya | 10 | 7 | 1 | 2 | 22-12 | 22 |
| 3 | Finlandiya | 10 | 4 | 2 | 4 | 13-10 | 14 |
| 4 | Azərbaycan | 10 | 2 | 3 | 5 | 8-19 | 9 |
| 5 | Rusiya | 10 | 2 | 3 | 5 | 15-19 | 9 |
| 6 | Farer adaları | 10 | 0 | 1 | 9 | 3-28 | 1 |
