TÜRKİYƏ MİLLİSİNDƏN TARİXİ REKORD
Futbol
10 İyun 2016 - 18:34
Bu gün Fransada start götürəcək futbol üzrə Avropa çempionatının iştirakçılardan olan Türkiyə millisinin forma satışında tarixi rekord qeydə alınıb.
Supersport.Az xəbər verir ki, bugünədək 400 min forma və futbolka satılıb.
Türkiyə Futbol Federasiyası formalara tələbatın ciddi şəkildə artdığını bildirib. Açıqlamada 200 min formanın və bir o qədər də futbolkanın satıldığı qeyd olunub.
Türkiyə yığması AÇ-2016-da qırmızı və mavi rəngli formalarla çıxış edəcək. Həmin formaların qiymətləri 32-48 dollar arasında dəyişir.
