"QƏBƏLƏ"NİN İKİ KOMANDASI YARIMFİNALDA
Futbol
14 May 2016 - 13:30
AFFA-nın aşağı yaş qrupları üzrə komandalar arasında təşkil etdiyi liqalarda növbəti oyunlar keçirilib. U-14 1/4 finalda mübarizəni dayandırıb. “Qırmızı-qaralar” “Neftçi” PFK ilə səfərdəki ilk matçda 2:1 hesabı ilə qalib gəlsə də, cavab matçında 2:3 hesabı ilə uduzub. U-13 isə 1/4 final səddini adlaya bilib. İlk oyununda “Xəzər Lənkəran”la qolsuz sülh bağlayan “Qəbələ” öz meydanında keçirdiyi cavab matçında qələbə qazanıb - 3:0.
“Qırmızı-qaralar” U-12 Liqasında da yarımfinala yüksəlib. “Rəvan”la 1/4 finalın ilk matçında qolsuz heç-heçəylə kifayətlənən komanda rəqib meydanında keçirdiyi cavab matçında 4:3 hesabı ilə üstün olub.
Xatırladaq ki, “Qəbələ”nin U-19, U-16, U-15 komandaları I, U-17 isə II yeri tutub. U-10 Liqasının finalına yüksələn “qırmızı-qaralar” isə “Neftçi” İK İB ilə görüşəcək.
“Qırmızı-qaralar” U-12 Liqasında da yarımfinala yüksəlib. “Rəvan”la 1/4 finalın ilk matçında qolsuz heç-heçəylə kifayətlənən komanda rəqib meydanında keçirdiyi cavab matçında 4:3 hesabı ilə üstün olub.
Xatırladaq ki, “Qəbələ”nin U-19, U-16, U-15 komandaları I, U-17 isə II yeri tutub. U-10 Liqasının finalına yüksələn “qırmızı-qaralar” isə “Neftçi” İK İB ilə görüşəcək.
