AZƏRBAYCAN KUBOKUNDA İLKLƏRLƏ ZƏNGİN FİNAL

Azərbaycan Kubokunun 2015/16 mövsümünün yarımfinal mərhələsinin cavab oyunları həlledici qarşılaşmanın iştirakçılarını müəyyənləşdirib. Mayın 25-də baş tutacaq finalda “Qarabağ”la “Neftçi” üz-üzə gələcək. Sonuncular “Qəbələ”ni hər iki oyunu 1:1 hesabı ilə başa çatan duelin penaltilər seriyasında məğlub edib – 4:3. Ağdam klubu isə “İnter”i hər iki matçda üstələyib – 4:0, 1:0. Bununla da Azərbaycan kubokunda ilk dəfə ardıcıl 2 il eyni klublar finalda çıxış edəcək. 2014/15 mövsümünün həlledici qarşılaşmasında “Neftçi”ni 3:1 hesabı ilə məğlub edən “Qarabağ” 2-ci “Qızıl dubl”unu rəsmiləşdirmək, “Neftçi” növbəti titulunu əldə etməyə çalışacaq. Bunadək yarışın 24 illik tarixində heç vaxt eyni cüt iki dəfə ardıcıl kubok mübarizəsinə çıxmamışdı. Bu iki komanda 1995/96 mövsümündə də finalda üz-üzə gəlib. “Neftçi”nin 3:0 hesabı ilə qalib gəldiyi həmin matçı da nəzərə alsaq, rəqiblər 3-cü dəfə finalda qarşılaşacaq. Belə hal da ilk dəfə qeydə alınacaq. Çünki indiyədək Azərbaycan kubokunda heç bir cüt finalda 3 dəfə üz-üzə gəlməyib. Hərəyə 1 dəfə qalib gələn “Qarabağ”la “Neftçi” kimi “Kəpəz” – “Qarabağ” (1997/98, 1999/2000), “Neftçi” – “Şəmkir” (1998/99, 2003/04) və  “Xəzər Lənkəran” – “İnter” (2007/08, 2010/11) cütləri də 2 dəfə qarşılaşıb. Amma sonuncu 3 cütün hər birində eyni komanda – adı birinci göstərilən hər iki finalda rəqibindən güclü olub. Daha bir ilkə “Neftçi” imza atıb. Son 4 mövsümdə 2 kubok qazanıb, 2 dəfə finalda məğlub olan “ağ-qaralar” ardıcıl 5-cu dəfə yarımfinalı uğurla adlayıb. “Neftçi”dən başqa yalnız 3 komanda ən azı 2 dəfə ardıcıl final oynamışdı ki, “Kəpəz”, “İnter” və “Xəzər Lənkəran”dan heç biri seriyasını 3-ə çatdıra bilməmişdi. “Qarabağ” da ardıcıl 2-ci dəfə bunu reallaşdıraraq 3 komandaya çatıb. Ümumilikdə isə ən çox final oynayan “Neftçi” 10-cu dəfə bu hüququ qazanıb. Bu göstəricidə 2-ci olan “Qarabağ” isə 8-ci dəfə həlledici matçda oynayacaq. Kubok sayında bakılılar 6, ağdamlılar 4 mükafata yiyələnib (pfl.az).   mövsüm qalib finalçı hesab 1992 “İnşaatçı” (Bakı) “Kür” (Mingəçevir) 2:1, əlavə vaxtda 1993 “Qarabağ” (Ağdam) “İnşaatçı” (Sabirabad) 1:0, əlavə vaxtda 1993/94 “Kəpəz” (Gəncə) “Xəzər” (Lənkəran) 2:0 1994/95 “Neftçi” (Bakı) “Kür” (Mingəçevir) 1:0 1995/96 “Neftçi” (Bakı) “Qarabağ” (Ağdam) 3:0 1996/97 “Kəpəz” (Gəncə) “Xəzri” (Bakı) 1:0 1997/98 “Kəpəz” (Gəncə) “Qarabağ” (Ağdam) 2:0 1998/99 “Neftçi” (Bakı) “Şəmkir” 0:0, pen. 5:3 1999/2000 “Kəpəz” (Gəncə) “Qarabağ” (Ağdam) 2:1 2000/01 “Şəfa” (Bakı) “Neftçi” (Bakı) 2:1 2001/02 yarımçıq qalıb 2002/03 Keçirilməyib 2003/04 “Neftçi” (Bakı) “Şəmkir” 1:0, əlavə vaxtda 2004/05 “Bakı” “İnter” (Bakı) 2:1, əlavə vaxtda 2005/06 “Qarabağ” (Ağdam) “Karvan” (Yevlax) 2:1 2006/07 “Xəzər Lənkəran” “MKT-Araz” (İmişli) 1:0 2007/08 “Xəzər Lənkəran” “İnter” (Bakı) 2:0, əlavə vaxtda 2008/09 "Qarabağ" (Ağdam) "İnter" Bakı 1:0  2009/10  “Bakı”  “Xəzər Lənkəran” 2:1, əlavə vaxtda 2010/11  “Xəzər Lənkəran” “İnter” (Bakı) 1:1, pen 4:2 2011/12  “Bakı” “Neftçi” (Bakı) 2:0 2012/13 “Neftçi” (Bakı)  “Xəzər Lənkəran” 0:0, pen 5:3 2013/14 “Neftçi” (Bakı) "Qəbələ" 1:1, pen.2:3 2014/15 "Qarabağ" Ağdam “Neftçi” (Bakı) 3:1

- See more at: http://www.pfl.az/news/5629/#sthash.Nm7EBBlh.dpuf