"Qızıl Qurd" ləqəbli idmançımız qızıl medal qazandı

"Qızıl Qurd" ləqəbli idmançımız qızıl medal qazandı
Kikboks, Digər
15 İyul 2022 - 10:01


Supersport.Az-ın məlumatına görə, kikboks üzrə dünya çempionu Bəhram Rəcəbzadə ABŞ-ın Birminqem şəhərində keçirilən XI Ümumdünya Oyunlarında qızıl medal qazanıb. 91 kq-dan yuxarı çəki dəcərəsində çıxış edən idmançı finalda xorvatiyalı son dünya ikincisi Anto Şiriçə qalib gələrək birinci yeri tutub.

Qeyd edək ki, bu, Ümumdünya Oyunlarında Azərbaycanın yeganə qızıl medalıdır. Azərbaycan bu mükafatla 33-cü yerə qalxıb. 1 qızıl və 1 bürünc medal qazanan Azərbaycan millisi bu yeri Litva ilə bərabər bölüşdürür. Kikboksinq üzrə nəticəyə əsasən isə Azərbaycan 1 qızıl medalla Avstriya və Meksika ilə birgə 3-cü yerdədir.

Xatırladaq ki, "Qızıl Qurd" ləqəbli Bəhram Rəcəbzadə 1/4 finalda son dünya üçüncüsü Miroslav Vuyoviç diskvalifikasiya olunduğu üçün döyüşmədən qalib elan edilib. O, yarımfinalda digər son dünya üçüncüsü Roman Şerbatyuku (Ukrayna) məğlub edib. Kikboksçunun 1/4 final mərhələsindəki rəqibi monteneqrolu Miroslav Vuyoviç rinqə çıxmayıb.

Onu da bildirək ki, XI Ümumdünya Oyunlarına iyulun 17-də yekun vurulacaq.

Digər xəbərlər