"Vətən" qonşu ölkədə birinci oldu - Foto

6-8 may tarixlərində, "Vətən" RİOEUG futbol məktəbinin U11 komandası Gürcüstanın Batumi şəhərində təşkil edilən "Shota Cup 2022" turnirində iştirak edib.

Supersport.Az-ın məlumatına görə, 29 komandanın mübarizə apardığı turnirdə Azərbaycan komandası məğlub olmadan, qol buraxmadan birinci yeri tutub.

"Vətən" "C" qrupunda yer alıb.

Qrup mərhələsinin ilk oyununda "Vətən" "Saburtalo" ilə heç heçə (0-0) oynayıb. Növbəti oyunda komandamız "Dinamo Batumi"ni 4:0 hesabı ilə məğlub edib. "Diamond League"də 1/4 finalda "Vətən" "Merani"ni məğlub edib - 2:0.

"Deamond League"də "Celaro"nu da sıradan çıxaran "Vətən" (1-0), "Shota Cup 2022"nin "Brilliant League"də final oyununa vəsiqə qazanıb. "Sarı-qaralar" turnirin son oyununda "Dinamo Tbilisi"ni məğlub edərək turnirin qalibi olub.

Turnirin ən yaxşı oyunçusu komandamızın hücumçusu Elcan Sadıqzadə seçilib.

Yarışda qapısını toxunulmaz saxlamağı bacaran yeganə komanda da "Vətən" olub.

"Vətən"in "Shota Cup 2022"də keçirdiyi bütün oyunlar:

Qollar: Elcan Sadıqzadə (2), Nihad Əsgərli, Əli Məmmədli

"Merani" – "Vətən" 0:2

Qollar: Abbas Məmmədli, Hüseyn Rzalı

Qol: Həsən Məhmədov Həsən

"Dinamo Tbilisi" – "Vətən" 0:1

Qol: Elcan Sadıqzadə