“Makkabi”nin baş məşqçisi “Qarabağ”la oyunun nəticəsindən məmnun deyil

“Makkabi”nin baş məşqçisi “Qarabağ”la oyunun nəticəsindən məmnun deyil
Futbol
04 Dekabr 2020 - 01:21
"Düşünürəm ki, ümumilikdə yaxş oyun keçirdik. İlk hissədə çoxlu şansımız oldu, intizamlı olduq və mübarizə apardıq. Son dəqiqəyə qədər qələbə qazanmağa çalışdıq. Evdə növbəti mərhələ üçün mübarizə aparacağıq".

Supersport.Az xəbər verir ki, “Makkabi"nin baş məşqçisi Giorqos Donis Avropa Liqasının qrup mərhələsinin 5-ci turunda İstanbulda “Qarabağ”la 1:1 hesablı heç-heçə etdikləri oyundan sonra keçirilən mətbuat konfransında belə deyib.

O, Ağdam təmsilçisi ilə paralel keçən  "Sivasspor" - "Vilyarreal" matçı (0:1) haqda da danışıb:

"Bu görüşün nəticəsini son dəqiqələrdə bildik. Meydanda açıq oyun getdi. Sonadək vuruşduq. İmkanlarımız oldu, futbolçular çalışdılar. Komandamdan razı qaldım. Sadəcə, son nəticədən məmnun deyiləm".

"Makkabi"nin baş məşqçisi qrup mərhələsinin son turunda qarşılaşacaqları "Sivasspor"la oyun ərəfəsində bunları söyləyib:


"Son turda evdə oynayacağıq. Özümüzə güvənirik. Güclü oyunçularımızın olduğu yaxşı komandamız var. Növbəti mərhələyə yüksəlmək üçün əla fürsətimiz var".

Digər xəbərlər