Azərbaycanda yoxlama oyunlarında qadağa

Avqustun 21-də start götürəcək Azərbaycan Premyer Liqasına hazırlıq xarakteri daşıyacaq yoxlama oyunları qapalı olacaq.

Supersport.Az xəbər verir ki, Peşəkar Futbol Liqası belə qərar verib.

Yeni mövsümlə bağlı bir sıra işlər görən qurum koronavirus pandemiyası ilə əlaqədar olaraq Əsasnaməyə əlavə hazırlayır. Burada oyunlarda iştirak edəcək şəxslərin sayı müəyyənləşdirilir.

Artıq 2020/21 mövsümüylə bağlı son tamamlanma işləri görülür. Təbii olaraq komandalar yeni mövsümün başlamasına görə yoxlama görüşləri keçirməyi planlaşdırır. Yeni mövsümlə bağlı bəzi məsələlər tam yekunlaşmadığına görə yoxlama oyunlarında iki komandadan başqa digər şəxslərin iştirak etməməyi qərara alınıb. Yoxlama oyunları mətbuat nümayəndələri üçün qapalı olacaq.