"Qarabağ"ın Albaniya planı

Çempionlar Liqasının I təsnifat mərhələsinin oyunları çərçivəsində baş tutacaq "Partizani" - "Qarabağ"  qarşılaşmasından öncə keçiriləcək Azərbaycan komandasının son məşq və mətbuat konfransının vaxtı açıqlanıb.

Supersport.Az-ın Ağdam klubuna istinadən məlumatına əsasən, iyulun 9-da baş məşqçi Qurban Qurbanov Bakı vaxtıyla saat 19:15-də media mənsublarının önünə çıxacaq. Komandanın son məşqi isə saat 19:30-da qarşılaşmanın keçiriləcəyi S.Stermazi stadionunda baş tutacaq. Məşqin ilk 15 dəqiqəsi mətbuat və azarkeşlər üçün açıq olacaq.