“Böyük dəbilqə”nin açılış mərasimi
Digər, Cüdo
10 May 2019 - 17:34
Bakıda mərhum prezident Heydər Əliyevin xatirəsinə həsr olunmuş cüdo üzrə “Böyük dəbilqə” beynəlxalq turnirinin təntənəli açılış mərasimi keçirilib.
Heydər Əliyev adına İdman Sarayında təşkil olunan tədbirdə gənclər və idman naziri Azad Rəhimov yarış iştirakçılarını salamlayıb və onlara qələbə arzulayıb:
"Azərbaycanda idmanın inkişafı dünya ictimaiyyətinə bəllidir. Ölkəmizdə müxtəlif idman tədbirləri keçirilməkdədir. Buna misal olaraq I Avropa Oyunlarını, IV İslam Həmrəyliyi Oyunlarını, "Formula 1" yarışlarını misal göstərmək olar. Ötən ilin sentyabrında Bakıda cüdo üzrə dünya çempionatı baş tutub . "Tokio 2020" Yay Olimpiya Oyunlarına lisenziya xalı verən “Böyük dəbilqə” turniri də bu qəbildəndir” .
Beynəlxalq Cüdo Federasiyasının idman direktoru Vladimir Barta möhtşəm qonaqpərvərlik və təşkilatçılığa görə Azərbaycan Cüdo Federasiyasına dərin minnətdarlığını bildirib.
Azərbaycan Cüdo Federasiyasının prezidenti Rövnəq Abdullayev “ Böyük dəbilqə”nin yüksək səviyyədə keçəcəyinə inandığını bildirib və idmançılara uğurlar diləyib. Qurum rəhbəri çıxışının sonunda turniri açıq elan edib.
Ardınca Dövlət Himni və Beynəlxalq Cüdo Federasiyasının himni səsləndirilib.
Sonra Azərbaycanda keçirilmiş mötəbər yarışlardan görüntülərini yer aldığı videoçarx nümayiş olunub.
Açılış mərasimi bədii hissə ilə davam etdirilib.
Heydər Əliyev adına İdman Sarayında təşkil olunan tədbirdə gənclər və idman naziri Azad Rəhimov yarış iştirakçılarını salamlayıb və onlara qələbə arzulayıb:
"Azərbaycanda idmanın inkişafı dünya ictimaiyyətinə bəllidir. Ölkəmizdə müxtəlif idman tədbirləri keçirilməkdədir. Buna misal olaraq I Avropa Oyunlarını, IV İslam Həmrəyliyi Oyunlarını, "Formula 1" yarışlarını misal göstərmək olar. Ötən ilin sentyabrında Bakıda cüdo üzrə dünya çempionatı baş tutub . "Tokio 2020" Yay Olimpiya Oyunlarına lisenziya xalı verən “Böyük dəbilqə” turniri də bu qəbildəndir” .
Beynəlxalq Cüdo Federasiyasının idman direktoru Vladimir Barta möhtşəm qonaqpərvərlik və təşkilatçılığa görə Azərbaycan Cüdo Federasiyasına dərin minnətdarlığını bildirib.
Azərbaycan Cüdo Federasiyasının prezidenti Rövnəq Abdullayev “ Böyük dəbilqə”nin yüksək səviyyədə keçəcəyinə inandığını bildirib və idmançılara uğurlar diləyib. Qurum rəhbəri çıxışının sonunda turniri açıq elan edib.
Ardınca Dövlət Himni və Beynəlxalq Cüdo Federasiyasının himni səsləndirilib.
Sonra Azərbaycanda keçirilmiş mötəbər yarışlardan görüntülərini yer aldığı videoçarx nümayiş olunub.
Açılış mərasimi bədii hissə ilə davam etdirilib.
