"Qəbələ"nin yeni prezidenti Fariz Nəcəfovdan açıqlama

"Qəbələ"nin yeni prezidenti Fariz Nəcəfovdan açıqlama
Futbol
19 Aprel 2019 - 01:21
"Qəbələ" klubunun yeni prezidenti məlum olub.

Supersport.Az klubun rəsmi saytına istinadən xəbər verir ki, Tale Heydərovun istefasından sonra bu vəzifəyə Fariz Nəcəfov təyin olunub.

Bildirilir ki, sabiq prezident tərəfindən 2008-ci ildə kluba vitse-prezident vəzifəsinə təyin olunmuş Nəcəfovun rəhbərliyi altında bundan sonra da klubun məqsədi "Qəbələ" Futbol Akademiyasının inkişafı və Avropa turnirlərində uğurlu çıxış planını davam etdirməkdir.

Fariz Nəcəfovun prezident postuna təyin olunması ilə bağlı Tale Heydərov bunları deyib:

"Mənim üçün getmək zamanı gəlmişdi və Fariz Nəcəfovun yeni prezident olmağını açıqlamaqdan məmnunluq duyuram. 13 il ərzində klubun inkişafını görmək möhtəşəm idi və buna görə bir daha klubun kollektivinə, futbolçulara və azarkeşlərə təşəkkür edirəm - bilirəm ki, onlar daha da irəli gedəcəklər".

"Qəbələ" İdman Klubunun prezidenti olmaq mənim üçün böyük şərəfdir. Mən Tale Heydərovun başladığı və uzun illər ərzində yüksək səviyyəyə qaldırdığı işi layiqli şəkildə davam etdirməyə çalışacam".

"Qəbələ"nin yeni prezidenti Fariz Nəcəfov belə deyib.

Təyinatı ilə bağlı danışan klub rəhbəri bunları bildirib:

"Tale müəllim hər zaman klubun gələcəyinə böyük diqqət ayırıb və mən də akademiyamızda gələcəyin çempionlarının yetişməsi üçün əlimdən gələni edəcəyəm. Onun rəhbərliyi altında klubumuz tək futbolda deyil, digər idman növlərində də böyük uğurlar əldə edib".

Digər xəbərlər